2019-06-21

Amaitu dira klaseak, agurtu ditugu irakasle eta lagunak. Oporrak ditugu aurrez aurre.

Zer egin? Galdera zabal bezain erakargarria:

Jolastu, libururen bat irakurri, udako koadernoren bat osatzen saiatu, hitzegin, abestu, korrika egin, argazkiak atera, deskantsatu, igeri egin, mendiak igo, kaleak jaitsi, bideak ibili, ondokoak zaindu eta haiekin gozatu…

Gozatu ezazue topera, ondo merezi duzue eta!!

2019-03-08

Lezo Herri Eskola eta Institutuko ikasle, irakasle eta familien inauteri emanaldia.

2019-03-06
Eskolako emakumeek (M-n greba egingo dute.

Martxoaren 8an nazioarteko emakumearen eguna dela eta, Lezo Herri Eskolako emakumezko langileen gehiengoak bat egiten du greba deialdiarekin. Hau dela eta, datorren ostiralean, martxoaren 8an, ez da klaserik egongo. Goiz txoko, autobus eta jangela zerbitzurik ere ez da egongo.

2018-10-23

EH TXO! GEHIEGI HITZ EGITEN DUK/N?

Hi txiki, gazte… gaur eskolan euskaraz aritu al haiz hire lagunekin? Eta jolas orduan zenbat lagun aditu dituk/n gaurkoan euskaraz hitz eginez?

Iritsi duk gure ikastetxean hizkuntza-ohiturak aldatzeko garaia, motel! Iritsi dun gure estalpeko zorua orbel gorriz eta laranjaz betetzeko sasoia, neska! Nora begira hago? Noren zain? Iritsi dela EUSKARALDIA Lezora ere, demontre!

Atera ezak/n beraz, armairutik kamiseta gorria edo laranja. Hik hauta: kolorea eta konpromisoa! Baina hautatutakoaren baitan fin joka ezak/n.

Ahobizi izatea erabakitzen baduk/n, euskaraz hitz egingo diek/n eskolako kide denei.

Belarriprest nahiago baduk/n berriz, euskaraz primeran ulertzen du(n)anez, hirekin euskaraz aritzeko esango diek/n kamiseta gorrikoei.

Ez dun/k hain lan zaila ezta? Jarrera kontua baino ez; benetako borondatea eta ahalegin pittin bat behar, gure eskolan euskararen egoera aldatu ahal izateko.

Iaz ikasle talde batek Hizkuntza-Proiektuari honako ekarpen hau egin zioan/nan: “irakasle, guraso eta ikasle denek zerbait egiten badugu, agian denon artean zerbait hobetu dezakegu!”.

– Aita, ama… zuek zer diozue?

 

EUSKARALDIA LEZON DANTZA EUSKARALDIA EITBn

 

Izen ematea hemen: https://euskaraldia.eus/

2018-10-16

http://www.lezoherrieskola.eus/es/multimedia/ atalean ikasturteko emanaldiak entzungai dituzue.

Lezo Herri Eskola
telefonoa943514804
helbidea
Euskal Herria Plaza 1, 20100 Lezo
  • Kokapena
    Lege oharra | Pribatutasun politika | Cookie Politika